Back الجمعية العامة للأمم المتحدة Arabic الجمعيه العامه للامم المتحده ARZ Asamblea Xeneral de les Naciones Xuníes AST संयुक्त राष्ट्र महासभा AWA Birləşmiş Millətlər Təşkilatının Baş Assambleyası Azerbaijani БМО-ның Генераль Ассамблеяһы Bashkir Генеральная Асамблея ААН Byelorussian Генэральная Асамблея ААН BE-X-OLD Общо събрание на ООН Bulgarian জাতিসংঘ সাধারণ পরিষদ Bengali/Bangla
D Generalversammlig vo de Vereinte Natione (änglisch United Nations General Assembly, UNGA) isch d Volversammlig vo de Mitgliidstaate vo de Vereinte Natione. Si duet jedes Johr im Septämber am UN-Hauptquartier z New York zsämmedrätte. Jede Mitgliidstaat darf dur bis zu fümf Persone in ere Sitzig verdräte si.
D Generalversammlig brüeft und genähmigt dr Huushaltsblan vo de Vereinte Natione (Art. 17 I UN-Charta). Zu ihre witere Ufgoobe ghört d Berootig und d Aanahm vo empfählende Resolutione. D Generalversammlig darf sich mit praktisch jeder Froog vo internationaler Bedütig befasse, solang si nit gliichzitig vom Sicherheitsroot behandlet wird (Art. 10 UN-Charta).
Im Gegesatz zu Resolutione vom UN-Sicherheitsroot si die vo dr UN-Generalversammlig völkerrächtlig nid bindend, chönne aber politischs Gwicht ha, wil si en Entschluss von ere Mehrheit vo de Mitgliidstaate si. Das heisst aber nit, ass ihri Entscheidige völkerrächtlig ohni Wirkig müesse bliibe: D Resolutione vo dr UNGA chönne under bestimmte Vorussetzige zur Usbildig vo verbindligem Völkergwohnheitsrächt bidräge. Drzue chunnt, ass d Beschlüss vo dr UNGA, wo organisationsinterni Aaglägeheite wie Verwaltigs- oder Budgetaaglägeheite (Huushaltsblan) beträffe, für s Sekretariat bindend si.
Zum d Arbet liichter z mache, het d Generalversammlg Komitees (Ausschüss) zu verschiidnige Themene iigrichtet, wo denn wider Arbetsgruppe chönne iiberüefe.